బీఫ్ తినాలనిపిస్తే తినండి కానీ, ‘ఫెస్టివల్స్’ అవసరమా?: ఉపరాష్ట్రపతి వెంకయ్యనాయుడు

బీఫ్ తినాలని ఎవరికైనా అనిపిస్తే తినండి అంతేగానీ, ‘బీఫ్ ఫెస్టివల్’ నిర్వహించాల్సిన అవసరముందా? అని ఉపరాష్ట్రపతి వెంకయ్యనాయుడు ప్రశ్నించారు. ముంబైలోని ఆర్ఎ పొద్దార్ కాలేజ్ ఆఫ్ కామర్స్ ప్లాటినం జూబ్లీ సెలబ్రేషన్స్ లో ఆయన పాల్గొన్నారు. ఈ సందర్భంగా ఆయన మాట్లాడుతూ, అదే విధంగా, ముద్దుపెట్టుకోవాలని పిస్తే పెట్టుకోండి.. దీని కోసం ‘కిస్ ఫెస్టివల్’ లేదా ఇతరుల అనుమతి అవసరమా? అని ప్రశ్నించారు. ఈ సందర్భంగా పార్లమెంట్ పై దాడి కేసులో దోషి అఫ్జల్ గురు గురించి కూడా ఆయన ప్రస్తావించారు. ‘అఫ్జల్ గురు అంటూ కొందరు జపం చేస్తున్నారు.. అతను ఏం చేశాడో తెలుసా! మన పార్లమెంట్ ను పేల్చేసే ప్రయత్నం చేశాడు’ అన్నారు వెంకయ్య.